العتب ماهو زعل..

العتب ماهو زعـل ..لوضايقـك كثـر انفعالـي
* * * * *
وانت لو ازعل على كل البشـر ماازعـل عليـك
* * * * *
بس لاطـال الغيـاب وضاقـت صـدور الليالـي
* * * * *
سقت لك ماجا علـى البـال وتحمـل مايجيـك!
* * * * *
يوم شفت الكون كنه فـي غيابـك شبـه خالـي
* * * * *
صحت في وجه الزمان وقلت فيـك وقلـت فيـك
* * * * *
ضاقت وسـاع الفجـوج بعينـي وزاد انشغالـي
* * * * *
وين رحت..؟ وليه رحت..؟ ولي متى وانا احتريك
* * * * *
كنت ادور في عيـون النـاس اجابـات لسؤالـي
* * * * *
يمكن اعرف وين رحت وليه رحت وكيف اجيـك
* * * * *
كنت اقول لكل شارع ..( ماوطتك اقدام غالي)؟!!
* * * * *
من كثر ماكنت ابي قربك وابـي دربـك وابيـك
* * * * *
كنت عنك..اسأل نسيـم الصبـح لامـر متعالـي
* * * * *
ماحمل يمي علـى دربـه جـواب مـن يديـك!
* * * * *
وامتلا صدري عتب..وانت السبب في ماجرالـي
* * * * *
ومن بعد هول التعب جيت اشتكي لـك واشكيـك!

* * * * *
تدري انك كـل عشقـي وان غيـرك ماطرالـي
* * * * *
وانـك بقلبـي لحالـك وان مالـك بـه شريـك
* * * * *
وان قلبـي لـو تفجربالعتـب وقـت انفعـالـي.
* * * * *
زاعـلٍ منـك ..وغيابـي مايزعلنـي عليـك!!